Anniversario della firma dello Statuto Siciliano
Mazara del Vallo 13 - 14 - 15 Maggio 2005
   

Presentazione della manifestazione


"Festa di l'Autonomėa"


clicca per ingrandireL'Áutra Sicilia, assuciazioni di dirittu ntirnaziunali pi la difesa di la Sicilia e di li Siciliani "a sta banna e a dda banna di lu Faru", nforma tutti li Siciliani sparpaghiati pi lu Munnu ca, doppu 59 anni di l'ottenimentu di l'Autonomìa Spiciali cu lu nostru funnamintali cuntributu s'arriniscìu ad aviri ca si stà cilibrannu l'annivirsariu, lu prossimu 13 - 14 - 15 maju 2005 nni la Citati di Mazara, chi ringraziamu cu st'occasioni, e chistu no cu li sòliti convegni scipiti pi li puliticanti e li studiusi, ma cu na gran festa populari.

St'incontru av'a essiri, nna li nostri ntenti, no sulamenti na cugnuntura p'arricurdari li 59 anni d'autoguvernu, cu li so lìmiti, cu li so spiranzi e cu li propositi pi lu futuru, ma na granni occasioni videmma pi celebrari l'identità, pi troppu tempu niata, di lu stissu Populu Sicilianu.

Festa di l'Autonomėa pi stu mutivu, ma puru festa di la Sicilia e di li Siciliani chi, 'n-Patria o "a dda banna di lu Faru", àppiru sempri nta lu cori la Terra d'iddi e ni purtaru àutu lu nomu.

Ci sarrannu espusituri, ntrattinimenti, tavuli rutunni e iniziativi pi cui L'Áutra Sicilia sta travaghiannu in prima pirsuna, pirchí ànnu a èssiri di liveddu àutu comu la Nostra Terra e li Nostri Cuncitatini si mèritanu.

Mmitamu, pi chistu, tutti li Soru e li Frati Siciliani a vèniri di bon nùmmaru nna ddi jorna e a pubbricizzari l'eventu a l'amici e canuscenti. In particulari chissu po addivintari un puntamentu annuali pi la "diàspora" d'un Populu custrittu a truvari fôra la propia furtuna; addipenni assai di tutti nuatri, di quantu ci cridemu e di quantu participamu.

Viva la Trinacria, Viva lu Vespru e Viva la Sicilia!

Per maggiori informazioni inviate una mail a Info@anniversariostatutosiciliano.org.